पानगळ


आता पुढे काय ???
जेंव्हा जेंव्हा हा प्रश्न पडतो,
तेंव्हा समजायचं की,
पानगळ सुरु झाली.

वसंताच्या आगमनाची,
शिशिरात्मक सुरुवात.

जुने, जाणते,
ज्यांचा विसर्ग व्हायलाच हवा असे,
जडत्व आणणारे,
ज्यांच्या कुबड्यांवर विसंबून आपण स्वतःला मोकळं समजतो,
असे काहीसे...

विचार....

जे गळून पडत असल्यामुळे,
आता पुढे काय ???
जेंव्हा जेंव्हा हा प्रश्न पडतो,
तेंव्हा समजायचं की,
पानगळ सुरु झाली.


ज्यांच्या जोखडातून आपण मुक्त होत असतो,
आणि घालत असतो साद _ _ _
आपलीच . . . आपल्यालाच . . .
आणि ऐकू येतात आपल्याला तेजस्वी, ओजस्वी शब्द...
साथ देणारे,
उद्याच्या यशाची ग्वाही देणारे,
काही शब्द...

आता पुढे काय ???
जेंव्हा जेंव्हा हा प्रश्न पडतो,
तेंव्हा समजायचं की,
पानगळ सुरु झाली.